تحریک انصاف نہیں چاہتی کہ میں غریب عوام کی خدمت کروں، شہباز شریف

تحریک انصاف نہیں چاہتی کہ میں غریب عوام کی خدمت کروں، شہباز شریف

ویب ڈیسک: وزیر اعلیٰ پنجاب شہباز شریف کا کہنا ہے کہ تحریک انصاف نہیں چاہتی ہے کہ میں غریب عوام کی خدمت کروں۔

تفصیلات کے مطابق چلڈرن اسپتال کے دورے کے موقع پر میڈیا سے بات چیت کرتے ہوئے شہباز شریف کا کہنا تھا کہ لاہور کا چلڈرن اسپتال پاکستان کا بہترین اسپتال ہے، یہاں علاج اور ادویات فری ہیں جب کہ اسپتال میں اربوں روپے کی سرمایہ کاری کر کے 614 بیڈز کا اضافہ کیا گیا ہے جس کے بعد یہ پاکستان میں بچوں کا سب سےبڑا اسپتال بن گیا ہے۔

وزیراعلیٰ پنجاب نے کہا کہ ملتان میٹرو بس منصوبے کے حوالے سے مجھ پر لگائے گئے الزامات جھوٹ ثابت ہوئے، چینی حکومت نے بھی کہہ دیا ہے کہ سرٹیفکیٹس جعلی تھے،  انہوں نے کہا کہ تحریک انصاف نہیں چاہتی ہے کہ میں ایک خادم کی طرح عوام کی خدمت کروں، انہیں کہنا چاہتا ہوں کہ مجھے الزامات میں نہ الجھائیں خدمت کرنے دیں، میں اس خدمت سے پیچھے نہیں ہٹوں گا۔ شہباز شریف کا مزید کہنا تھا کہ دشمن سی پیک پر وار کرنا چاہتے ہیں جب کہ بھارت کے پیٹ میں بل پڑ رہے ہیں کیونکہ یہ ان کی شکست ہے، انہیں بتانا چاہتا ہوں کہ سی پیک اب ٹیک آف کر گیا ہے جو ترقی کی منزل پر پہنچ کر ہی لینڈ کرے گا۔

متعلقہ خبریں