پریانکا چوپڑا اور ڈیوین جونسن کی کامیڈی فلم

پریانکا چوپڑا اور ڈیوین جونسن کی کامیڈی فلم "بے واچ" کا ٹریلر جاری

ویب ڈیسک:بالی اور ہالی ووڈ   کی معروف اداکارہ پریانکا چوپڑا کی کامیڈی سے بھرپور ہالی وڈ ایکشن فلم ’بے واچ‘ کا ٹریلرجاری کر دیا گیا۔

اداکارہ اس فلم میں ہالی ووڈ کے بڑ ے نام ڈیوین جانسن کے ساتھ جلوہ گر ہونگی۔ ہدایت کار سیٹ گورڈن کی یہ فلم مشہور امریکی ٹی وی سیریز پر مبنی ہے جس کی کہانی کیلیفورنیا کے ساحل پر اپنے فرائض سرانجام دیتے ایسے لائف گارڈز کے گِرد گھوم رہی ہے جولوگوں کی جان بچانے کیلئے سمندر کی خطرناک لہروں سے نبرد آزما ہوتے ہیں۔ایوان ریتمین، ٹام پولک اور ڈیوین جانسن کی مشترکہ پروڈکشن میں بننے والی اس فلم کی کاسٹ میں ڈیوین جانسن، الیگزینڈراڈیڈیریو، زیک ایفرون، پریانکا چوپڑا ، جان بیس، کیلی روہربیچ، یحییٰ عبدالمتین اورپامیلا اینڈریسن شامل ہیں۔

فلم 26مئی کو سنیما گھروں میں نمائش کیلئے پیش کر دی جائے گی۔

متعلقہ خبریں