سعودی پرو لیگ میں کرسٹیانو رونالڈو کی ٹیم النصر کے منیجر روڈی گارشیا کو ڈریسنگ روم سے خرب تعلقات کے باعث برطرف کر دیا گیا ہے۔ روڈی گارشیا کی عدم دلچسپی اور ڈریسنگ روم سے متعلق شکایات تو زبان زد عام تھیں لیکن عربی کہاوت کے مطابق جس تنکے نے اونٹ کی کمر توڑ دی وہ گارشیا کی وہ اپنے کھلاڑیوں کے ساتھ تصادم تھا۔ جس نے بالآخر اسے برطرف کروا دیا۔ ٹیم منیجمنٹ کے مطابق دیگر مسائل سے ہٹ کر گارشیا بھی اپنے کلب کے پرجوش منصوبے کے حوالے سے توقعات پر پورا اترنے میں ناکام رہے۔ النصر کے پاس ابھی سات گیمز کھیلنے کے لیے باقی ہیں، اور فی الوقت رونالڈو کی ٹیم اسٹینڈنگ میں دوسرے نمبر پر ہے، اتحاد سے تین پوائنٹس پیچھے، جس سے وہ حال ہی میں ہارے تھے۔ وہ تمام مشکلات کے خلاف سیمی فائنل میں عربین سپر کپ سے بھی باہر ہو گئے تھے۔ روڈی گارشیا پچھلے موسم گرما میگوئیل اینجل کی جگہ النصر کے انچارج بنے تھے تاہم سال پورا ہونے سے پہلے ہی غیر متاثر کارکردگی کے باعث اس اہم ٹیم کی کوچنگ سے ہاتھ دھو بیٹھے۔
