Daily Mashriq

کوئی بھی فرد تحقیقات پر اثر انداز نہیں ہو سکتا، چیئرمین نیب

کوئی بھی فرد تحقیقات پر اثر انداز نہیں ہو سکتا، چیئرمین نیب

ویب ڈیسک: چیئرمین نیب جسٹس ریٹائرڈ جاوید اقبال نے کہا ہے کہ قومی ادارہ احتساب ملزمان کو پکڑنے کے لیے پرعزم ہے۔

نیب ہیڈ کوارٹرمیں تقریب سے خطاب کرتے ہوئے چیئرمین نیب جسٹس (ر) جاوید اقبال کا کہنا تھا کہ بدعنوانی تمام برائیوں کی جڑ اورملک کی ترقی وخوشحالی کی راہ میں بڑی رکاوٹ ہے، اس کا خاتمہ نیب کی اولین ترجیح ہے۔

جسٹس (ر) جاوید اقبال کا کہنا تھا کہ نیب کےخلاف منظم اور جارحانہ پروپیگنڈا کیا جارہا ہے، تنقید کرنے والے نیب قانون کو ڈریکونین لاء کہتے ہیں، نیب پر تنقید کرنے والوں کو آئین و قانون اور نیب لاء کاعلم ہی نہیں، سپریم کورٹ اس قانون کی تمام جزئیات کا جائزہ لے چکی ہے، اور عدالت عظمیٰ  نے نیب لاء کو نہ غیرآئینی کہا، نہ ہی ڈریکونین لاء کہا، پلی بارگین نہ ہوتا تو جورقم واپس لی گئی پاکستان کا کوئی ادارہ واپس نہیں لاسکتا تھا۔

 چیئرمین جاوید اقبال نے کہا کہ نیب بدعنوان عناصر کو پکڑنے کے لئے پرعزم ہے اور ملک سے بدعنوانی کے خاتمہ کے لئے اپنی قومی ذمہ داری مؤثر طریقے سے سرانجام دے رہا ہے، نیب ہر قیمت پر بدعنوانی کے خاتمے  اورقوم کی امنگوں پر پورا اترنے کے لئے اپنے طریقہ کار میں تبدیلی لایا ہے۔

متعلقہ خبریں