Daily Mashriq


پاکستان کی ترقی اور استحکام کیلئے سی پیک منصوبہ انتہائی اہم ہے،وزیراعظم عمران خان

پاکستان کی ترقی اور استحکام کیلئے سی پیک منصوبہ انتہائی اہم ہے،وزیراعظم عمران خان

ویب ڈیسک: پاکستان کی معاشی ترقی اوراستحکام کیلئے سی پیک خصوصی اہمیت کا حامل ہے، جب کہ سماجی اور معاشی شعبوں ترقی اور روزگار میں اضافہ حکومت کی اولین ترجیح ہے،وزیراعظم عمران خان۔

دورہ چین کے موقع پر وزیراعظم عمران خان اور نیشنل پیپلزکانگریس کے چیئرمین لی ژانگ ژو میں ملاقات کے دوران  میں باہمی تعلقات کوفروغ دینے پر اتفاق کیا گیا جب کہ وزیراعظم نے چین کیجانب سے مہمان نوازی پر شکریہ ادا کیا۔

وزیراعظم نے غربت کے خاتمے اور کرپشن میں کمی کے لئے چینی حکومت کے اقدمات کو سراہتے ہوئے کہا کہ غربت اور بدعنوانی کے خاتمے، بہترحکمرانی سے ہی چین نے ترقی کی منازل حاصل کیں، اقتصادی اور صنعتی تعاون دونوں ممالک کے لئے ترقی کے لئے اہم ہے جب کہ پاکستان کی معاشی ترقی اوراستحکام کے لئے سی پیک کی خصوصی اہمیت ہے۔

 وزیراعظم کا کہنا تھا کہ اقتصادی زونز کے قیام اورصنعتی ترقی کے روزگارکے نئے مواقع پید ا ہوں گے، سماجی اور معاشی شعبوں، روزگار میں اضافہ حکومت کی ترجیح ہے۔

دوسری جانب چیئرمین نیشنل پیپلزکانگریس لی ژانگ ژو کا کہنا تھا کہ چین پاکستان کے ساتھ ہر محاذ پر کھڑا رہے گا، اور تعلقات کی مضبوطی کا خواہاں ہے، دونوں ممالک کے پارلیمانی روابط کے فروغ کے لئے وفود کا تبادلہ ناگزیر ہے، پارلیمانی وفود کے تبادلے دو طرفہ تعلقات کو مزید فروغ دیں گے اور اس سلسلے میں سی پیک منصوبہ انتہائی اہم کردار ادا کر سکتا ہے۔

متعلقہ خبریں