Daily Mashriq

علیحدگی کی خبروں کے بعد سائرہ شہروز کی پہلی تصویر سوشل میڈیا پر وائرل

علیحدگی کی خبروں کے بعد سائرہ شہروز کی پہلی تصویر سوشل میڈیا پر وائرل

پاکستان کی نامور اداکارہ سائرہ شہروز اور اداکار شہروز سبزواری کی علیحدگی کی خبروں نے ان کے مداحوں کو بہت زیادہ مایوس کیا۔

اداکار شہروز سبزواری نے سوشل میڈیا پر سامنے آئی طلاق کی قیاس آرائیوں کے بعد ایک ویڈیو پیغام جاری کیا تھا جس میں انہوں نے واضح کیا کہ ان کے سائرہ کے درمیان صرف علیحدگی ہوئی جبکہ سائرہ اب تک ان کی اہلیہ ہیں۔

دوسری جانب سائرہ شہروز نے اس معاملے پر خاموشی اختیار کی جبکہ ان کے مداح اداکارہ کے بیان کا بھی انتظار کرتے رہے۔

البتہ اب سائرہ کی ان خبروں کے بعد سامنے آئی ایک تصویر سوشل میڈیا پر خوب وائرل ہورہی ہے۔

سائرہ شہروز کی بہن پلواشہ یوسف نے اپنے انسٹاگرام اکاؤنٹ پر ایک تصویر شیئر کی جس میں وہ سائرہ اور بڑی بہن علشبہ کے ہمراہ کسی شادی میں موجود ہیں۔

خیال رہے کہ گزشتہ سال سوشل میڈیا پر افواہیں سامنے آئیں کہ شہروز سبزواری اور سائرہ شہروز کی طلاق ہوگئی ہے کیوں کہ ان دونوں کو طویل عرصے سے ایک ساتھ نہیں دیکھا گیا، جبکہ سائرہ نے کئی ماہ قبل شہروز کا گھر بھی چھوڑ دیا۔

شہروز سبزواری پر یہ الزام بھی لگایا گیا کہ انہوں نے ماڈل صدف کنول کے ساتھ تعلقات استوار کرلیے اور یہی بات سائرہ اور ان کی علیحدگی کی وجہ بنی۔

جس کے بعد شہروز سبزواری کے والد اداکار بہروز سبزواری نے سامنے آکر ایک انٹرویو میں واضح کیا کہ سائرہ اپنے والد کی خراب طبیعت کے باعث ان کے ساتھ رہ رہی ہیں اور بیٹے اور بہو کے درمیان معمولی جھگڑے ہوئے ہیں۔

بعدازاں شہروز سبزواری نے اپنے سوشل میڈیا اکاؤنٹس پر ایک ویڈیو پیغام جاری کیا اور واضح کیا کہ سائرہ ان کی اہلیہ اور ان کے گھر کی عزت ہیں۔

جبکہ انہوں نے مداحوں سے درخواست کی کہ وہ سائرہ اور ان کے رشتے کے حوالے سے جھوٹی افواہیں نہ پھیلائیں جبکہ صدف کنول کو اس معاملے میں گھنسیٹنے والوں کو تنقید کا نشانہ بھی بنایا۔

دونوں اداکار اس وقت اپنے کیریئر میں نئے پروجیکٹس کے ساتھ مصروف ہیں۔

خیال رہے کہ سائرہ اور شہروز نے 2012 میں پسند کی شادی کی تھی۔

سائرہ اور شہروز کے ہاں بیٹی کی پیدائش 2014 میں ہوئی تھی جس کی تصاویر اور ویڈیوز دونوں اداکار اپنے سوشل میڈیا اکاؤنٹس پر شیئر کرتے رہتے ہیں۔

ویسے تو سائرہ اور شہروز اپنے سوشل میڈیا اکاؤنٹس پر اکٹھے تصاویر اور ویڈیوز بھی لگاتے ہیں البتہ دونوں نے گزشتہ سال جون میں آخری بار انسٹاگرام پر ایک ساتھ تصویر شیئر کی تھی۔

متعلقہ خبریں