Daily Mashriq

 کیا جھریاں جلد ماضی کا قصہ بن جائیں گی؟

کیا جھریاں جلد ماضی کا قصہ بن جائیں گی؟

چہرے اور آنکھوں کے نیچے جھریوں ہوجانا بڑھتی عمر کا حصہ ہوتا ہے تاہم اب لگتا ہے کہ یہ ماضی کا قصہ بننے والا ہے۔

جی ہاں طبی ماہرین نے اس میکنزم کو شناخت کرلیا ہے جو جلد کی عمر بڑھانے میں کردار ادا کرتا ہے۔

 جاپانی سائنسدانوں کے مطابق ایک اہم پروٹین کمپاﺅنڈ عمر بڑھنے سے جلد پر مرتب ہونے والے اثرات کو روکنے میں مددگار ثابت ہوسکتا ہے اور اس مقصد کے لیے 2 ادویات بھی مستقبل قریب میں تیار کی جائیں گی۔

ٹوکیو میڈیکل اینڈ ڈینٹل اسکول کی تحقیق میں بتایا گیا کہ یہ ادویات ایک مخصوص پروٹین کی سطح بڑھانے میں مدد دیں گی جو کہ نوجوانی میں جلد کے خلیات میں پایا جاتا ہے مگر عمر بڑھنے کے ساتھ کم ہونے لگتا ہے۔

اس پروٹین کی سطح کم ہونے سے جلد جھریوں کی شکار ہوتی ہے جبکہ اس کی لچک کم ہوجاتی ہے۔

یہ پروٹین جسے سی او ایل 17 اے 1 کا نام دیا گیا ہے، سورج سے ہونے والے نقصان سے بچانے میں بھی مدد دیتا ہے۔

محققین نے چوہوں اور انسانی جلد کے ٹشوز پر اس دریافت کو آزما کر کامیابی حاصل کی۔

انہوں نے بتایا کہ اس طریقہ کار سے جلد کو نمایاں حد تک بہتر کیا جاسکتا ہے جس سے جلد پر چھایا بڑھاپا کم ہوسکتا ہے۔

تاہم ان کا کہنا تھا کہ اس حوالے سے ابھی مزید تحقیق کی ضرورت ہے کہ اس طریقہ کار کے دیگر ٹشوز پر کیا اثرات مرتب ہوتے ہیں اور دیگر اعضا پر عمر کے اثرات کو کس طرح ریورس کرنا ممکن ہے۔

متعلقہ خبریں