Daily Mashriq

کیلیفورنیا میں 20 سال کا سب سے طاقتور زلزلہ

کیلیفورنیا میں 20 سال کا سب سے طاقتور زلزلہ

امریکا کی ریاست کیلی فورنیا میں رجکریسٹ شہر کے قریب 6.4 شدت کا زلزلہ ریکارڈ کیا گیا۔

امریکی خبر رساں ادارے 'اے پی' کی رپورٹ کے مطابق ماہر زلزلہ شناسی لوسی جونز کا کہنا تھا کہ جنوبی کیلی فورنیا میں آنے والا زلزلہ 20 سالہ تاریخ کا سب سے طاقتور زلزلہ تھا۔

ان کا کہنا تھا کہ اس سے قبل 16 اکتوبر 1999 میں 7.1 شدت کا زلزلہ علاقے میں ریکارڈ کیا گیا تھا۔

کیلی فورنیا انسٹی ٹیوٹ آف ٹیکنالوجی میں صحافیوں سے گفتگو کرتے ہوئے ان کا کہنا تھا کہ 6.4 شدت کے زلزلے کا مرکز رجکریسٹ ٹاؤن کے نزدیک صحرائے موجاو تھا۔

انہوں نے بتایا کہ زلزلے کے بعد متعدد آفٹر شاکس بھی محسوس کیے گئے اور مزید آفٹر شاکس کی امید ہے، جن کی شدت 5 بھی ہوسکتی ہے۔

زلزلے سے زخمیوں کے حوالے سے اطلاعات تاحال موصول نہیں ہو سکیں تاہم اب تک رجکریسٹ شہر میں ایک گھر نظر آتش ہونے کی اطلاعات سامنے آئی ہیں۔

جنوبی کیلی فورنیا کے حکام کا کہنا تھا کہ ریسکیو اہلکاروں کو 24 طبی و آتشزدگی کی اطلاعات ملی ہیں، تاہم زخمیوں کا فی الوقت اندازہ نہیں۔

متعلقہ خبریں