Daily Mashriq

مقبوضہ کشمیرمیں قابض بھارتی فوج کے ہاتھوں 2 کشمیری نوجوان شہید

مقبوضہ کشمیرمیں قابض بھارتی فوج کے ہاتھوں 2 کشمیری نوجوان شہید

سری نگر: مقبوضہ کشمیر میں قابض بھارتی فورسز کے ہاتھوں مزید 2 کشمیری نوجوان شہید ہوگئے۔

کشمیرمیڈیا سروس کے مطابق مقبوضہ کشمیرکے ضلع پلوامہ کے علاقے تڑال میں بھارتی فوجیوں نے ایک بار پھر جارحیت کا مظاہرہ کرتے ہوئے سرچ آپریشن کے دوران فائرنگ کر کے 2 کشمیری نوجوانوں کو شہید کر دیا۔

سرچ آپریشن میں نوجوانوں کی شہادت کے بعد وادی بھر میں بھارتی جارحیت کے خلاف کشمیری سڑکوں پر نکل آئے اور جدوجہد آزادی کشمیر کے حق میں نعرے بلند کیے۔ قابض بھارتی فوج نے مظاہرین کو منتشر کرنے کے لیے ہوائی فائرنگ کی اور شیلنگ کا بے دریغ استعمال کیا۔

بھارتی فورسز کی جانب سے مقبوضہ کشمیرمیں جاری بربریت ختم ہونے کا نام ہی نہیں لے رہی ہے، دو روز قبل بھی  بھارتی فوج نے سرچ آپریشن کے نام پر 2 کشمیری نوجوانوں کو شہید کردیا تھا جب کہ سیکیورٹی فورسز کے 5 اہلکار بھی ہلاک ہوئے تھے۔

متعلقہ خبریں