Daily Mashriq

اپوزیشن اتحاد نے حکومت کیخلاف ٹھنڈی سیاسی حکمت عملی اختیار کرلی

اپوزیشن اتحاد نے حکومت کیخلاف ٹھنڈی سیاسی حکمت عملی اختیار کرلی

کراچی: مشترکہ اپوزیشن اتحاد نے تحریک انصاف کی وفاقی حکومت کے خلاف ’’بڑی احتجاجی تحریک ‘‘ چلانے کے بجائے عارضی طور ٹھنڈی سیاسی حکمت عملی اختیار کرلی ہے۔

اپوزیشن کے کئی اہم رہنماؤں کی جانب سے اس حکمت عملی کو اختیار کرنے کا مقصد مقبوصہ کشمیر کی صورتحال کے باعث کشمیریوں سے اظہار یکجہتی کرنابتایا جاتاہے تاکہ حزب اختلاف سمیت پوری پاکستانی قوم کی جانب سے یہ پیغام واضح طور پر دیا جاسکے کہ ہم مقبوضہ کشمیر کی عوام کے ساتھ ہیں۔

اپوزیشن کے اہم ذرائع کا کہنا ہے کہ وفاقی حکومت کے خلاف اپوزیشن کی مشترکہ احتجاجی تحریک کے آغاز نہ ہونے کے کئی اسباب ہیں جن میں پیپلز پارٹی اور (ن) لیگ کے مرکزی رہنماؤں کی کرپشن کیسز میں گرفتاریوں کے بعد پیداہونیوالی سیاسی صورتحال، اپوزیشن جماعتوں کے مرکزی رہنماؤں میں رابطوں کا فقدان اور جے یوآئی (ف ) کی اسلام آباد کو فوری ’’لاک ڈاؤن ‘‘ کی پالیسی پر فوری عمل کرانے کے معاملے میں اتفاق رائے نہ ہونا بھی شامل ہیں۔

متعلقہ خبریں