Daily Mashriq

مشرقیات

مشرقیات

وباطن اور ہر حالت میں تقوی کو لازمی اختیار کرنا چاہیے اور کتاب وسنت کو مضبوطی سے تھامنا چاہیے۔ یہ نجات کا واحد راستہ ہے۔ اور آدمی کو گناہوں سے بہت زیادہ ڈرنا چاہیے۔ یقینا کبیرہ گناہ آدمی کو ہلاک کردیتے ہیں اور صغیرہ گناہوں کی وجہ سے دلوں پر زنگ لگ جاتا ہے۔

رسول مقبولۖ نے ارشاد فرمایا کہ اپنے آپ کو چھوٹے چھوٹے گناہوں سے بھی بچائو۔ اس قوم کی طرح جو ایک وادی میں اترے۔ کوئی ادھر سے ایک لکڑی لے آیا کوئی ادھر سے ایک لکڑی لے آیا۔ یہاں تک کہ انہوں نے اپنا کھانا تیار کرلیا اور چھوٹے چھوٹے گناہ پتا نہیں کب آدمی کو ہلاک کردیں۔

٭رسول اللہ صلی اللہ علیہ وسلم نے فرمایا: معراج کی رات ایک شخص کو دیکھا جو عرش کے نور میں ڈوبا ہوا تھا، پوچھا یہ کون ہے، فرشتہ ہے؟ مجھ سے کہا گیا نہیں، میں نے کہا نبی ہے؟ کہا گیا نہیں، میں نے پوچھا پھر کون ہے؟ بتایا گیا یہ وہ ہے جس کی زبان اللہ تعالی کے ذکر سے تر رہتی تھی اور دل مسجد میں اٹکا رہتا تھا اور اس نے کبھی اپنے والدین کو گالی نہیں دلائی۔

(الترغیب والترہیب)

٭ہمیشہ اللہ تعالی کا ذکر اور شکر کرنا چاہیے اور جو کوئی ہمیشہ اللہ کا ذکر کرتا رہتاہے اس کے تمام اعمال کا خاتمہ اسی پر ہوتا ہے اور دنیا سے جاتے وقت اسے کلمہ شہادت پڑھنے کی وجہ سے جنت کی بشارت مل جاتی ہے کیونکہ رسول اللہۖ نے فرمایا کہ جس کا آخری کلام لاالہ الا اللہ ہوگا وہ جنت میں جائے گا۔

اس کے ساتھ ساتھ ہر مسلمان کو یہ بات یاد رکھنی چاہیے کہ دنیا ختم ہونے والا گھر ہے اور یہ ہمیشہ نہیں رہے گی جب آدمی اس بات کو سمجھ لیتا ہے تو پھر وہ دنیا کو اپنے دل میں نہیں بلکہ ہاتھ پر رکھتا ہے یعنی اللہ کی راہ میں مال خرچ کرتا اورکثرت سے یہ دعا کرتا ہے:

اے دلوں کو پھیرنے والے! میرے دل کو اپنے دین پر ثابت رکھ

رسول اکرمۖ بھی اس دعا کو کثرت سے پڑھا کرتے تھے۔ آپۖ سے کہاگیا کہ اے اللہ کے پیارے رسول! ہم بھی آپۖ پر ایمان لائے اور اس چیز پر بھی جو آپ اللہ کی طرف سے لے کر آئے۔کیا پھر بھی آپۖ ہمارے متعلق ڈرتے ہیں۔ آپۖ نے فرمایا: ہاں! کیونکہ دل اللہ کی دو انگلیوں کے درمیان ہے، اللہ جیسے چاہتا ہے، اسے پھیر دیتا ہے۔

الہی! ہم آپ کے اسما حسنٰی اور صفات علیا کے ساتھ سوال کرتے ہیں کہ ہمیں اس حالت میں فوت کرنا کہ تو ہم سے راضی ہو۔ الہی ہمارے آخری اعمال کو بہترین بنادے اور اپنی ملاقات کے وقت تو ہم سے خوش اور راضی ہوجا۔ الہی! دنیا و آخرت میں ہمیں سچائی بات پر ثابت اور قائم ر کھنا اور ہدایت دینے کے بعد ہمارے دلوں کو ٹیڑھا نہ کرنا اور ہمیں اپنی رحمت عطا فرما۔بے شک تو ہی سب کچھ دینے والا ہے۔ الہی!ہمارے پوشیدہ کو ظاہر سے بہتر بنا اورظاہر کو بھی درست فرمادے، بے شک تو قدرت کاملہ رکھنے والا ہے۔

متعلقہ خبریں