Daily Mashriq


پی ایس ایل: شائقین کن راستوں سے نیشنل اسٹیڈیم پہنچ سکیں گے؟

پی ایس ایل: شائقین کن راستوں سے نیشنل اسٹیڈیم پہنچ سکیں گے؟

کراچی ٹریفک پولیس نے شہر قائد میں پاکستان سپر لیگ 2019 کے 8 میچز کے لیے ٹریفک انتظامات کی تفصیلات جاری کردیں۔

ٹریفک پولیس کے مطابق نیشنل اسٹیڈیم جانے والے شائقین کو اپنا ٹکٹ اور اصلی قومی شناختی کارڈ ہمراہ رکھنا ضروری ہوگا اور انہیں اپنی گاڑیاں مخصوص پارکنگ مقامات پر کھڑی کرنا ہوں گی۔

پارکنگ کے لیے حکیم سعید پارک اور بیت المکرم مسجد سے متصل اتوار بازار کے قریب میدان کو مختص کیا گیا ہے۔

ضلع غربی میں لیاقت آباد 10 نمبر سے آنے والے شائقین حسن اسکوائر سے بائیں طرف مڑ کر یونیورسٹی روڈ پر آجائیں گے اور مندرجہ بالا بتائے گئے مقامات پر گاڑیاں پارک کریں گے، جس کے بعد شٹل بس سروس کے ذریعے انہیں ایکسپو سینٹر سے متصل مقام پر لایا جائے گا۔

متعلقہ خبریں