ویب ڈیسک:وزیر اعظم نوازشریف نے اس عزم کا اظہار کیا ہے کہ حکومت پاک فضائیہ کی استعداد میں اضافے کے لئے تمام ضروری وسائل مہیا کرے گی۔
تفصیلات کے مطابق وزیر اعظم نوازشریف سے پاک فضائیہ کے سربراہ ایئرچیف مارشل سہیل امان نے اسلام آباد میں ملاقات کی اس موقع پر ایئر چیف مارشل نے وزیر اعظم کو پاک فضائیہ کے پیشہ وارانہ امور اور آپریشنل تیاریوں سے آگاہ کیا۔
ملاقات میں وزیر اعظم کا کہنا تھا کہ قومی دفاع کے لئے ایئر فورس کا کردار بہت اہم ہےایئر فورس فضائی سرحدوں کو محفوظ بنانے کے لیے اہم کردارادا کر رہی ہے حکومت پاک فضائیہ کی استعداد میں اضافے کے لئے تمام ضروری وسائل مہیا کرے گی اس موقع پر وزیر اعظم نے ملکی فضائی سرحدوں کے دفاع کے لئے پاک فضائیہ کے کردار کی تعریف کی۔
