Daily Mashriq

استاد راحت فتح علی خاں نے اپنی 45 ویں سالگرہ منائی

استاد راحت فتح علی خاں نے اپنی 45 ویں سالگرہ منائی

لاہور : لازوال گیتوں کے خالق استاد راحت فتح علی خاں نے اپنی 45ویں سالگرہ منائی، کیک کاٹا اور گیت بھی گائے۔

تفصیلات کے مطابق دنیائے موسیقی کے بے تاج بادشاہ اور آکسفورڈ یونورسٹی سے ڈاکٹریٹ کی اعزازی ڈگری حاصل کرنے والے استاد راحت فتح علی خاں نے حسب سابق اپنی سالگرہ منائی۔

اس موقع پر سروں کے شہنشاہ نے 2019 کی طرح 2020 میں بھی فتوحات جاری رکھنے کے عزم کا اظہار کیا، پرائیڈ آف پرفارمنس، آئیفا ایوارڈ ، نوبل پیس ایوارڈ میں پرفارمنس اور ان گنت سپر ہٹ گیت گانے کے ساتھ ساتھ انہوں نے آکسفورڈ یونورسٹی سے ڈاکٹریٹ کی اعزازی ڈگری حاصل کر کے ملک اور قوم کا نام روشن کیا۔

لاہورسے نعیم حنیف کی رپورٹ کے مطابق لیونگ لیجنڈ فنکارنے اب میوزک ڈائریکشن کے میدان میں بھی قدم رکھ دیا ہے، استاد راحت فتح علی خاں نے سالگرہ مناتے ہوئے بتایا کہ وہ اپنے ورلڈ ٹورمی مائی سیلف اینڈ آئی کا اختتام 27 دسمبر کو دبئی میں گرینڈ فنالے میں پرفارم کر کے کریں گے۔

واضح رہے کہ راحت فتح علی خان 1974 میں فیصل آباد میں پیدا ہوئے، وہ ایک بہترین موسیقار اور گلوکار ہیں، ان کی گائیکی کے مداح پاکستان اور بھارت کےعلاوہ دنیا بھر میں موجوود ہیں۔

راحت فتح علی خاں فرخ فتح علی کے صاحبزادے اوراستاد نصرت فتح علی خان کے بھتیجے ہیں قوالی کے علاوہ بھی وہ غزل اور ہلکی پھلکی موسیقی گاتے ہیں۔ وہ بڑے پیمانے پر پاکستان، بھارت کے ساتھ ساتھ دنیا بھر کا دورہ کر کے اپنی کارکردگی کا مظاہرہ کر چکے ہیں۔

متعلقہ خبریں