Daily Mashriq

 برطانیہ میں ایک خاتون کو دو نئے ہاتھ مل گئے

برطانیہ میں ایک خاتون کو دو نئے ہاتھ مل گئے

پانچ برس سے ہاتھوں کی پیوندکاری کی منتظر برطانوی خاتون کا انتظار ایک کامیاب آپریشن کے بعد ختم ہو گیا ہے۔

لیڈز جنرل انفرمری میں کیے جانے والے اس پیچیدہ آپریشن میں 12 گھنٹے لگے۔

اس کامیاب آپریشن کا اعلان ’فائنڈِنگ یوئیر فیِٹ‘ نامی اس خیراتی ادارے نے کیا جس کی بنیاد خود 47 سالہ کورین نے ڈالی تھی۔

کورین ہٹن 2013 میں شدید نمونیا اور سیپسِس کا شکار ہوئیں جس کے بعد ان کی جان تو بچ گئی لیکن ان کے دونوں ہاتھ اور پیر کاٹنا پڑے۔

آپریشن کے بعد کورین ہٹن نے طبی عملے کا شکریہ ادا کرتے ہوئے کہا، ’اب میرے ہاتھ ہیں، اور بالکل ویسے ہی دکھتے ہیں جیسے میرے ہاتھ تھے۔ میری انگلیاں ہیں، میں انہیں ہلا سکتی ہوں۔ ویسے مجھے ابھی ایسا کرنا نہیں چاہیے، مگر مجھے یقین نیں ہوتا۔ میں کتنی خوش ہوں بیان نہیں کر سکتی۔‘

متعلقہ خبریں