Daily Mashriq

میرے پاس تم ہو”گیم آف تھرونز”کو پیچھےچھوڑگیا؟

میرے پاس تم ہو”گیم آف تھرونز”کو پیچھےچھوڑگیا؟

معروف مصنف خلیل الرحمان قمرکا تحریرکردہ ڈرامہ ” میرے پاس تم ہو ” مقبولیت کے نئے ریکارڈز قائم کرنے لگا۔

فلموں اور ویب سیریز کے لئے مشہور آن لائن انفارمیشن ڈیٹا بیس ” آئی ایم ڈی بی ” کی درجہ بندی میں ڈرامہ میرے پاس تم ہو کی ریٹنگ 9.9 ہے۔

پاکستان کے مقبول ترین ڈرامہ سیریل کی یہ ریٹنگ دنیا کے سب سے زیادہ دیکھے جانے والے شوزمیں سے ایک گیم آف تھرونزسے بھی زیادہ ہے جس کی ریٹنگ 9.4 ہے۔

لیکن درحقیقت ایسا نہیں ہے، اگر آپ گوگل پر “میرے پاس تم ہو” کو سرچ کریں تو یہ دائیں جانب آئی ایم ڈی بی کی اس ڈرامے کیلئے ریٹنگ 9.9 دیکھی جاسکتی ہے جبکہ لنک کھولنے پر یہ ریٹنگ 7.7 نظر آرہی ہے۔

سرچ رزلٹ میں ڈرامے کی رومن اسپیلنگ بھی 2 طرح سے دی گئی ہے، ایک اسپیلنگ کے تحت یہ ریٹنگ 8.3 بھی ہے۔

ڈرامہ ’’میرے پاس تم ہو ‘‘ میں خلیل الرحمان قمر نے مادہ پرست عورت و مرد کی بیوفائی کا موضوع اجاگرکیا ہے۔ اس کی ڈائریکشن معروف اداکارندیم بیگ نے دی ہے۔

مصنف کے مطابق یہ ڈرامہ لکھتے ہوئے میرے ہاتھ کانپے، آخری سین لکھتے ہوئے آنسو بہہ رہے تھے۔ یہ بہت سارے ،مردوں کی سچی کہانی ہے جن کا میں نے مشاہدہ کیا۔

ڈرامے کے مرکزی کرداروں میں عدنان صدیقی ، ہمایوں سعید اورعائزہ خان شامل ہیں۔

متعلقہ خبریں