Daily Mashriq

ٹرمپ نے سعودی عرب سے مزید رقم کا مطالبہ کردیا

ٹرمپ نے سعودی عرب سے مزید رقم کا مطالبہ کردیا

واشنگٹن: امریکی صدر ڈونلڈ ٹرمپ کا سعودی عرب میں ملکی فوجیوں کی تعیناتی سے متعلق اہم بیان سامنے آگیا۔

غیرملکی میڈیا کا کہنا ہے کہ امریکا ایران حالیہ کشیدگی کے بعد سعودی عرب پر مبینہ حملوں کا خطرہ بڑھ چکا ہے، جس کے باعث ریاض حکومت ملک میں مزید امریکی فوجیوں کی تعیناتی چاہتی ہے۔

صدر ٹرمپ کا اپنے ایک بیان میں کہنا ہے کہ سعودی عرب سے ایک ارب ڈالر رقم مل گئ ہے، ہم نے سعودی عرب کو کہا کہ اور فوجی چاہئیں تو مزید رقم دیں، ہمارے ریاض حکومت سے بہت اچھے تعلقات ہیں۔

خیال رہے کہ یمنی سرزمین سے حوثی باغیوں کی جانب سے سعودی عرب پر حملے کیے جاتے رہے ہیں۔ گزشتہ سال باغیوں نے سعودی تنصیبات پر کئی میزائل داغے جبکہ شہری علاقوں کو بھی نشانہ بنایا گیا۔

مذکوہ حملوں کے تناظر میں سعودی عرب پر سیکیوٹی خطرات منڈلارہے ہیں۔ امریکا ایران حالیہ کشیدگی کے ردعمل میں بھی سعودی عرب پر حملے کے خدشات ہیں۔ جس کا اظہار انتظامیہ کرچکی ہے۔

متعلقہ خبریں