Daily Mashriq

ٹی 20 کی نئی رینکنگ، پاکستان کس پوزیشن پر آگیا؟

ٹی 20 کی نئی رینکنگ، پاکستان کس پوزیشن پر آگیا؟

لاہور: انٹرنیشنل کرکٹ کونسل (آئی سی سی) نے ٹی ٹوئنٹی کی نئی رینکنگ جاری کردی جس کے تحت پاکستان کی پہلی پوزیشن تاحال برقرار ہے۔

تفصیلات کے مطابق ٹی 20 کرکٹ کی دنیا میں پاکستان پہلے نمبر پر براجمان ہے۔ نئی رینکنگ کے تحت بیٹسمینوں میں پاکستانی ٹی ٹوئنٹی ٹیم کے کپتان بابراعظم کا بدستور پہلا نمبر ہے۔

بولرز رینکنگ میں افغانستان کے راشد خان ٹاپ کا پہلا نمبر، عماد وسیم چوتھے جبکہ شاداب خان آٹھویں نمبر پر موجود ہیں۔ حالیہ میچوں کے بعد پاکستان ٹیم کی پوزیشن مزید مستحکم ہوئی۔

واضح رہے کہ گزشتہ سال اکتوبر میں انٹرنیشل کرکٹ کونسل کی خواتین ون ڈے رینکنگ میں پاکستانی خواتین کرکٹ ٹیم کی سابق کپتان ثنا میر خواتین بولرز میں پہلے نمبر پر براجمان ہوئی تھیں۔ خواتین بولرز میں پہلی 3 میں سے 2 پوزیشن پاکستان کے پاس تھیں۔ ثنا میر رینکنگ میں 663 ریٹنگ پوائنٹس کے ساتھ سرفہرست رہیں۔

ٹی 20 بولرز کی رینکنگ میں پاکستان ویمن ٹیم کی ایک اور کھلاڑی انعم امین بھی شامل تھیں جو تیسرے نمبر پر تھیں۔

متعلقہ خبریں