Daily Mashriq

الیکشن میں بد ترین دھاندلی ہونے جا رہی ہے،سابق وزیراعظم نواز شریف

الیکشن میں بد ترین دھاندلی ہونے جا رہی ہے،سابق وزیراعظم نواز شریف

ویب دیسک:آئندہ انتخابات میں تاریخ کی بدترین دھاندلی ہونے جارہی ہے،نواز شریف۔

لندن میں میڈیا سے گفتگو کے دوران سابق وزیراعظم نواز شریف کا کہنا تھا کہ تاریخ کی بدترین دھاندلی ہونےجارہی ہے، سوائے افسوس کے اور کیا کہا جا سکتاہے، پتہ نہیں کون سے الیکشن ہونے جا رہے ہیں۔

گزشتہ روز بھی لندن میں پریس کانفرنس کرتے ہوئے سابق وزیراعظم نواز شریف کا کہنا تھا کہ ہمیں سزائیں دینے کا فیصلہ کہیں اور ہوچکا تھا جسے 5 بار تبدیل کرکے سنایا گیا جب کہ انتخابات پر اربوں روپے ضائع کرنے کی بجائے اقتدار کی کرسی پر جس لاڈلے کو بٹھانا ہے بٹھادو۔

واضح رہے کہ گزشتہ ہفتےاحتساب عدالت نے ایون فیلڈ ریفرنس کا فیصلہ سنایا تھا، عدالت نے اپنے فیصلے میں نواز شریف ، مریم نواز اور کیپٹن (ر) صفدر کو مجرم قرار دیتے ہوئے نواز شریف کو 10 سال قید بامشقت اور 80 لاکھ برطانوی پاؤنڈ جرمانہ، مریم نواز کو 7 سال قید اور 20 لاکھ پاؤنڈ جرمانہ جب کہ کیپٹن ریٹائرڈ صفدر کو ایک سال قید کی سزا سنائی ہے۔

متعلقہ خبریں