Daily Mashriq

ماں کے رونے پر مردہ قرار دیے گئے بچے کی سانسیں چلنے لگیں

ماں کے رونے پر مردہ قرار دیے گئے بچے کی سانسیں چلنے لگیں

صوبہ پنجاب کے شہر مظفر گڑھ کے سرکاری اسپتال میں ڈاکٹر نے نومولود زندہ بچے کو مردہ قرار دے دیا، ماں کے رونے پر نرس نے بچے کو آکسیجن لگائی تو بچے کی سانسیں بحال ہوگئیں۔

ڈاکٹر کی مبینہ غفلت کایہ واقعہ مظفرگڑھ کی تحصیل کوٹ ادو کے سرکاری اسپتال میں پیش آیا۔

بچےکی والدہ کے مطابق اس کے نومولود بچے کی طبیعت خراب ہونے پر ڈاکٹر نے اس کا چیک اپ کیا اور اسے مردہ قرار دے دیا۔

ڈی ایچ کیو اسپتال مظفرگڑھ ،بلیوں کے حملےمیں 2 بچے زخمی

اپنے بچے کی موت کا سن کا ماں زارو قطار رونے لگی جس پر وہاں موجود نرس نے ترس کھا کر بچے کو آکسیجن لگائی تو بچے کی سانسیں چلنے لگیں۔

اسپتال کے میڈیکل سپرنٹنڈنٹ ڈاکٹر ضیاء انجم کا کہنا ہے کہ بچہ دل کا مریض ہے اوراسپتال میں زیر علاج ہے جب کہ ڈاکٹر کی مبینہ غفلت پرانکوائری شروع کردی گئی ہے۔

متعلقہ خبریں