Daily Mashriq

وزیراعظم عمران خان کل بحرین کا دورہ کریں گے

وزیراعظم عمران خان کل بحرین کا دورہ کریں گے

اسلام آباد: ترجمان دفترخارجہ ڈاکٹر محمد فیصل کا کہنا ہے کہ وزیراعظم عمران خان کل بحرین کا دورہ کریں گے۔

تفصیلات کے مطابق ترجمان دفترخارجہ ڈاکٹر محمد فیصل کا کہنا ہے کہ وزیراعظم عمران خان کل بحرین کا دورہ کریں گے۔ وزیراعظم حماد بن الخلیفہ کی دعوت پر بحرین جا رہے ہیں۔

ڈاکٹر محمد فیصل کے مطابق وزیراعظم عمران خان بحرین کے قومی دن کی تقریب میں شرکت کریں گے. وزیراعظم کے ساتھ کابینہ، سرکاری افسران پرمشتمل وفد بھی ہوگا۔

ترجمان دفتر خارجہ کا کہنا ہے کہ دورے کے دوران وزیراعظم عمران خان کی حماد بن الخلیفہ سے ون آن ون ملاقات ہوگی۔

وزیراعظم عمران خان گزشتہ روز ایک روزہ دورے پر سعودی عرب گئے تھے، وزیراعظم اپنے دورے کے پہلے مرحلے میں مدینہ منورہ پہنچے۔ وزیراعظم عمران خان نے روضہ رسولﷺ پر حاضری دی اور نوافل کی ادائیگی کی جس کے بعد وہ ریاض روانہ ہوئے۔

بعدازاں وزیراعظم عمران خان نے سعودی ولی عہد شہزادہ محمد بن سلمان سے اہم ملاقات کی جس میں دو طرفہ تعلقات اور خطے کی مجموعی صورتحال پر تبادلہ خیال کیا گیا۔ ملاقات میں مشرق وسطی کے تنازعات کو سیاسی اورسفارتی ذرائع سے حل کرنے پر زور دیا گیا۔

وزیر اعظم عمران خان کا کہنا تھا کہ پاکستان مشرق وسطی میں تنازعات ختم کرنےمیں کردار ادا کرتا رہے گا، اس کے علاوہ پاکستان خطے اور دنیا کےامن کیلئے کوششوں میں مدد بھی فراہم کرتا رہے گا۔

متعلقہ خبریں