Daily Mashriq

انسٹاگرام کے صارفین پر نظر رکھنے والی ایپ بند

انسٹاگرام کے صارفین پر نظر رکھنے والی ایپ بند

نیویارک: آئی فون بنانے والی موبائل کمپنی ایپل نے انسٹاگرام صارفین کی سرگرمیوں پر نظر رکھنے والی ایپ کو باقاعدہ بند کردیا۔

انسٹاگرام کی جانب سے اٹھائے جانے والے تحفظات کے بعد ایپل نے صارفین کو نوٹی فکیشن کے ذریعے دوستوں کی سرگرمیوں کی تفصیلات فراہم کرنے والی ایپ کو بند کردیا۔

فوٹو شیئرنگ ویب سائٹ کی جانب سے ایپل کمپنی پر چوری کا الزام عائد کیا گیا تھا۔ کمپنی نے ایپ پر پابندی عائد کرتے ہوئے مطالبہ کیا تھا کہ ایپل اپنے اسٹور پر موجود ایپ ’لائیک پٹرول ایپ‘ کو بند کرے۔

ایپ بنانے والے انجیئنر کا کہنا تھا کہ یہ ایپ ایپل یا کسی بھی کمپنی کی پالیسی کے خلاف نہیں، ہم اس پابندی کے خلاف عدالت میں جائیں گے۔

لائیک پٹرول ایپ جولائی کے مہینے میں صرف ایپل اسٹور  پر  متعارف کرائی گئی تھی، صارف کو سہولت استعمال کرنے کے لیے سالانہ 80  ڈالر رقم ادا کرنا پڑتی تھی۔

متعلقہ خبریں