اپنی ہی حکومت کے خلاف دھرنا

اپنی ہی حکومت کے خلاف دھرنا

عین اسی روز جب قومی اسمبلی میں تحریک انصاف کے اراکین نے قومی اسمبلی کے سپیکر کے ڈائس کے سامنے احتجاج کیا اسی روز خیبر پختونوا اسمبلی میں خود تحریک انصاف کے رکن اسمبلی کا اپنی ہی حکومت پر چہیتوں کو فنڈز سے نوازنے کا الزام لگا کر دھرنا دلچسپ امر ہے۔ حزب اختلاف کی جماعت کے ارکان کی جانب سے ایسا کیاجاتا تو اسے جوابی کارروائی قرار دیا جاسکتا تھا مگر یہاں حکومتی رکن حکومت پر الزام لگا رہا تھا جو کم از کم بلا وجہ اور کسی اشتعال کا سبب نہیں گردانا جاسکتا۔ دوسروں پر انگشت نمائی کرنے سے قبل گھر کو تو کم از کم اعتماد میں لینے کی ضرورت تھی اور ایسی نوبت آنے دے کر جگ ہنسائی کاموقع تو نہیں آنے دینا چاہئے تھا۔ تحریک انصاف کے ممبران سمیت حزب اختلاف اور دوسری تمام سیاسی جماعتوں کے منتخب نمائندوں کو برابر کے فنڈز ملنا ان کا حق ہے اور ان کو یہ حق دیا جانا چاہئے۔

اداریہ