Daily Mashriq

سابق وزیر اعطم نواز شریف بیٹی مریم نواز اور داماد کیپٹن ریٹائرڈ صفدر کے ہمراہ لندن روانہ

سابق وزیر اعطم نواز شریف بیٹی مریم نواز اور داماد کیپٹن ریٹائرڈ صفدر کے ہمراہ لندن روانہ

ویب ڈیسک:سابق وزیراعظم نواز شریف، مریم نواز اور کیپٹن (ر) صفدر لندن روانہ ہوگئے۔

تفصیلات کے مطابق مسلم لیگ کے قائد محمد نواز شریف لاہور ائرپورٹ سے لندن روانہ ہوگئے۔ ان کی بیٹی مریم نواز، داماد کیپٹن ریٹائرڈ صفدر اور نواسی ماہ نور بھی ان کے ہمراہ ہیں۔ شریف فیملی قطر کی ایئرلائن کی پرواز کیو آر 629 کے ذریعے بیرون ملک روانہ ہوئی۔ نواز شریف لندن میں اپنی اہلیہ بیگم کلثوم نواز کی عیادت کریں گے اور ممکنہ طور پر 22 اپریل اتوار کو واپس آئیں گے۔

شریف خاندان کے مطابق کلثوم نواز کی کیمو تھراپی کے بعد طبیعت انتہائی خراب ہے۔ مریم نواز نےاپنے ایک  ٹوئٹ کہا ہے کہ امی کو دیکھنے لندن روانہ ہوگئے ہیں، اگر احتساب عدالت میں حاضری سے استثنیٰ نہ ملا تو اگلی پیشی سے پہلے واپس آجائیں گے، امی کو دعاؤں میں یاد رکھیں۔

 نواز شریف، مریم اور صفدر نے آج بدھ سے جمعہ تک احتساب عدالت میں حاضری سے استثنی کی درخواست دائر کردی ہے۔ چند ہفتے قبل نیب نے نواز شریف اور مریم نواز کا بیرون ملک فرار روکنے کے لیے ان کا نام ای سی ایل میں ڈالنے کا کہا تھا لیکن حکومت نے ایسا نہیں کیا۔ نواز شریف، مریم نواز اور کیپٹن ریٹائرڈ صفدر کیخلاف احتساب عدالت میں کرپشن کے تین مقدمات میں کارروائی ہورہی ہے۔

واضح رہے کہ کلثوم نواز گذشتہ سال سے لندن میں مقیم ہیں جہاں ان کا مقامی اسپتال میں گلے کے کینسر کا علاج جاری ہے۔

متعلقہ خبریں