Daily Mashriq

چوہدری نثار نے جو باتیں کیں وہ توہین عدالت کے زمرے میں آتی ہیں، شاہ محمود قریشی

چوہدری نثار نے جو باتیں کیں وہ توہین عدالت کے زمرے میں آتی ہیں، شاہ محمود قریشی

ڈیسک: اسلام آباد میں پاکستان تحریک انصاف کی پارلیمانی پارٹی کے اجلاس کے بعد میڈیا سے بات چیت کرتے ہوئے شاہ محمود قریشی کا کہنا تھا کہ پارلیمانی پارٹی کےاجلاس میں اسمبلی کی کارروائی سمیت چوہدری نثارکی پریس کانفرنس پربھی غورکیا گیا۔

ان کا کہنا تھا کہ حکومت نے سانحہ کوئٹہ پررپورٹ سامنے نہ لانے کی پوری کوشش کی،

تاہم سانحہ کوئٹہ پر کمیشن کی رپورٹ حاضر سروس جج کی ہے۔

 جسٹس قاضی فائزعیسٰی کی شہرت پوری دنیا جانتی ہے جب کہ کمیشن کی رپورٹ سے حکومت کی نااہلی سامنے آئی ہے۔

گزشتہ روز چوہدری نثارکی پریس کانفرنس سپریم کورٹ پر براہ راست حملہ ہے اور تصادم کی دھمکی توہین عدالت کےزمرے میں آسکتی ہے۔

شاہ محمود قریشی نے کہا کہ چوہدری نثار نے کل مولانا لدھیانوی سے ملاقات کی تردید کی اور پھر اعتراف کیا کہ دفاع پاکستان کے وفد سے ملاقات کی ہے،

وزیر داخلہ کی اجازت کے بغیر اسلام آباد میں ہزاروں افراد کا اجتماع کیسے ہوا،

کوئی بغیر اجازت ہزاروں کی تعداد میں آئے تو کسی کو کچھ نہیں کہا جاتا،

پی ٹی آئی اجازت نہ لے تو اسے لاٹھی، تذلیل اور دھکے ملتے ہیں۔

انہوں نے کہا کہ پاناما لیکس پر وزیراعظم کے بیان میں تضاد ہے،

وزیراعظم کے وکیل نے مختلف مؤقف پیش کیا،

اگر وزیراعظم اپنے خطاب پر قائم ہیں تو قطری شہزادے کا خط واپس لیں اور کل ایوان میں آکر ابہام دور کریں،

امید ہے کہ وزیراعظم کل قومی اسمبلی کے اجلاس میں آئیں گے۔

متعلقہ خبریں