Daily Mashriq

مردان میں فائرنگ سے 2 خواجہ سرا زخمی، ایک کی حالت تشویشناک

مردان میں فائرنگ سے 2 خواجہ سرا زخمی، ایک کی حالت تشویشناک

مردان: تخت بھائی روڈ پر نامعلوم افراد كی فائرنگ سے دو خواجہ سرا كالجئی اور سپوگمئی زخمی ہوگئے جن میں سے ایک كی حالت تشویشناک بتائی جارہی ہے۔

خیبر پختون خوا كی شی میل ایسوسی ایشن کی صدر فرزانہ كے مطابق پیر كی شب مردان سے 4 خواجہ سرا تخت بھائی جارہے تھے كہ راستے میں نامعلوم افراد نے ان پر فائرنگ کردی جس سے دو خواجہ سرا كالجئی اور سپوگمئی زخمی ہوگئے جنہیں مردان میڈیكل كمپلیكس منتقل كردیا گیا۔

شی میل ایسوسی ایشن کی صدر کا کہنا ہے کہ خواجہ سرا كالجئی كو 4 گولیاں لگی ہیں، اس كی حالت تشویشناک بتائی جاتی ہے جب کہ دوسرے خواجہ سرا سپوگمئی کو ایک گولی پاؤں میں لگی ہے تاہم اس کی حالت خطرے سے باہر ہے، پولیس نے واقعے كی رپورٹ درج كر كے تفتیش شروع كردی ہے۔

واقعے پر ٹرانس جینڈر ایكشن الائنس خیبر پختونخوا كے كوآرڈینیٹر تیمور كمال كا كہنا تھا كہ سال 2015 سے اب تک 66 خواجہ سرا خیبر پختونخوا میں  قتل ہوچكے ہیں، لیكن ناقص تفتیش كے باعث كسی ایک بھی ملزم كو عمر قید یا پھانسی كی سزا نہیں مل سكی، عید كے دن بھی مردان میں  خواجہ سرا شكیلہ پر تشدد كركے اس كے بال كاٹے گئے اس كیس میں بھی 3 ملزمان كو ابھی تک گرفتار نہیں  گیا جو كہ قابل افسوس ہے۔

متعلقہ خبریں