Daily Mashriq


وزیراعظم عمران خان نے بنی گالہ گھر کی ریگولرائزیشن کیلئے درخواست دیدی

وزیراعظم عمران خان نے بنی گالہ گھر کی ریگولرائزیشن کیلئے درخواست دیدی

ویب ڈیسک:وزیراعظم عمران خان نے بنی گالہ میں اپنے دونوں گھروں کی ریگولرائزیشن کیلئے درخواست دے دی۔

وزیراعظم عمران خان کی جانب سے بنی گالہ میں موجود اپنی دونوں رہائشی عمارتوں کی ریگولرائزیشن کے لیے سی ڈی اے کو درخواست دے دی گئی، عمران خان نے ڈھائی سو کنال پر مشتمل اپنی رہائشگاہ اوراس سے ملحقہ بیٹھک کی عمارت کے کاغذات جمع کروائے۔

ذرائع کے مطابق وزیراعظم نے زمین کے ملکیتی کاغذات، نقشہ جات سمیت دیگرضروری کاغذات سی ڈی اے کے شعبہ ون ونڈو میں جمع کروادیے جب کہ سی ڈی اے انتظامیہ نے عدالتی احکامات کی روشنی میں زون4، بنی گالہ کوریگولرائز کرنے کا باقاعدہ آغاز کردیا ہے۔

 ذرائع کا کہنا ہے کہ سی ڈی اے کو زون فور کے لئے کے لیے کمرشل و رہائشی عمارتوں کی 132درخواستیں موصول ہوئیں، جرمانے کی مد میں 100 روپے فی مربع فٹ رہائشی اور 200روپے فی مربع فٹ کمرشل عمارتوں کے مالکان سے وصول کیاجائے گا، کمرشل عمارتوں و اپارٹمنٹس کے مالکان سے کمرشلائزیشن چارجز کی مد میں بھی ساڑھے تین ہزاروپے فی مربع فٹ اضافی وصول کیا جائے گا، زون فور کے رہائشیوں سے ڈویلپمنٹ چارجزالگ سے وصول کئے جائیں گے۔

واضح رہے بنی گالہ تجاوزات کیس میں چیف جسٹس نے ریمارکس دیے تھے کہ عمران خان سب سے پہلے اپنا گھر قانون کے دھارے میں لائیں اور سب سے پہلا جرمانہ بھی انہی کو ادا کرنا ہوگا۔

متعلقہ خبریں