Daily Mashriq

یمن: امن معاہدے کے تحت عدن میں حکومت کی واپسی

یمن: امن معاہدے کے تحت عدن میں حکومت کی واپسی

عدن: یمن کی عالمی طور پر تسلیم یافتہ حکومت ملک کے جنوبی علاقے میں موجود علیحدگی پسندوں کی جانب سے باہر نکلنے پر مجبور کرنے کے بعد پہلی مرتبہ جنگ زدہ ملک میں واپس پہنچ گئی۔

 امریکی خبررساں ادارے ' اے پی ' کی رپورٹ کے مطابق یمن کے وزیراعظم معین عبدالمالک سعید سعودی عرب سے معاہدے کا بنیادی نکتہ پورا کرتے ہوئے عدن پہنچ گئے۔

خیال رہے کہ سعودی عرب نے یمن کے جنوبی علاقے میں علیحدگی پسندوں کے خلاف مہینوں سے جاری جنگ ختم کردی ہے۔

وزیراعظم معین عبدالمالک نے کہا کہ واپسی کے بعد یمن کی حکومت کی ترجیحات میں عدن کے حالات پر معمولات پر لانا اور ریاستی اداروں میں استحکام لانا ہے۔

خیال رہے کہ مغربی ممالک، جن میں سے کچھ 2015 میں یمن میں مداخلت کرنے والے سعودی اتحاد کو اسلحہ اور انٹیلی جنس کی سہولت فراہم کرتے ہیں، انہوں نے دونوں فریقین پر زور دیا کہ وہ جنگ بندی کے خاتمے کے لیے ایک وسیع پیمانے پر معاہدے اور سیاسی عمل پر اعتماد سازی کے اقدامات پر اتفاق کریں۔

یاد رہے کہ یمن میں جاری تنازع میں اب تک ہزاروں افراد ہلاک ہوچکے ہیں اور جزیزہ نما عرب کا سب سے غریب ملک یمن قحط کے دہانے پر موجود ہے

متعلقہ خبریں