Daily Mashriq

ارجنٹینا اور یوروگوئے کے درمیان سنسنی خیز مقابلہ برابر ہوگیا

ارجنٹینا اور یوروگوئے کے درمیان سنسنی خیز مقابلہ برابر ہوگیا

بیونس آئرس: انٹرنیشنل فرینڈلی میچ میں ارجنٹینا اور یوروگوئے کے درمیان سنسنی خیز مقابلہ 2-2 گول سے برابر ہوگیا۔

تفصیلات کے مطابق انٹرنیشنل دوستانہ میچ میں ارجنٹینا اور یوروگوئے کےدرمیان سخت مقابلہ ہوا، یوروگوئے کی جانب سے ایڈنسن کوانی نے کھاتا کھولا، دوسرے ہاف میں اگویرو نے ارجنٹینا کا اسکور برابر کردیا۔

اسٹار کھلاڑی لوئس سواریز نے فری کک پر شاندار گول داغا، ارجنٹینا کے کپتان لائنل میسی نے انجری ٹائم میں ٹیم کو شکست سے بچا لیا، میسی نے پیلنٹی پر گول اسکور کیا۔ دوسری جانب یورپین چیمپئن شپ کوالیفائینگ میچ میں اٹلی نے ارمینیا پر گول کی برسات کردی، اٹلی نے حریف ٹیم پر 3 نہ 6 بلکہ 9 گول اسکور کیے۔

خیال رہے کہ اسٹار فٹبالر کرسٹیانو رونالڈو کی ٹیم پرتگال کوالیفائنگ راؤنڈ میں عمدہ کھیل کا مظاہرہ کرتے ہوئے یورپین چیمپئن شپ 2020 کے لیے کوالیفائی کرچکی ہے، جبکہ انگلینڈ بھی اپنے کپتان ہینری کین کی بدولت ٹورنامنٹ میں جگہ بنانے میں کامیاب ہوگئی ہے۔

پرتگال اور انگلینڈ نے یورپین چیمپئن شپ 2020 کیلئے کوالیفائی کرلیا

یاد رہے کہ 15 نومبر کو کھیلے جانے والے میچ میں بھی لیتھوینیا کے خلاف پرتگال کے کرسٹیانو رونالڈو نے حریف کو تگنی کا ناچ نچایا تھا، شاندار ہیٹ ٹرک کرتے ہوئے ٹیم کو بھی فتح سے ہمکنار کیا، اسی جیت نے پرتگال کے لیے یورو2020 ٹورنامنٹ میں انٹری کی راہ ہموار کردی تھی۔

اُسی دن انگلش فٹبال ٹیم نے اپنا ہزارواں میچ کھیلتے ہوئے مونٹی نیگرو کو آؤٹ کلاس کیا تھا

متعلقہ خبریں