Daily Mashriq


ایم ایم اے کی بحالی،مولانا فضل الرحمٰن صدر ،لیاقت بلوچ جنرل سیکرٹری مقرر

ایم ایم اے کی بحالی،مولانا فضل الرحمٰن صدر ،لیاقت بلوچ جنرل سیکرٹری مقرر

ویب ڈیسک:مولانا فضل الرحمان کو متحدہ مجلس عمل کاصدر اور لیاقت بلوچ کو جنرل سیکریٹری مقرر کر دیا گیا۔

مولانا فضل الرحمن نے میڈیا سے بات چیت کے دوران کہا کہ ایک نظریے اور نصب العین کیلئے متحد ہونے کا اعلان کرتے ہیں، فیصلہ سازی میں تمام جماعتوں کی برابر حیثیت ہوگی، قومی سطح پر ایسے اتحاد کی ضرورت تھی، متحدہ مجلس عمل کی تمام جماعتیں صف آرا اور متحد ہیں۔ انہوں نے کہا متحدہ مجلس عمل کا تسلسل ٹوٹنا نہیں چاہیئے تھا، صوبوں اور اضلاع میں بھی تنظیم سازی ہو گی

مولانا فضل الرحمان کا کہنا تھا کہ اسلام آباد میں کنونشن سینٹر کا اعلان بھی کریں گے، ملک میں بے چینی اور اضطراب کی صورتحال ہے، ملک میں قیام امن کی پالیسی بنانے کی ضرورت ہے۔ انہوں نے کہا ایسی حکمت عملی ہونی چاہیئے کہ ہر شخص وطن سے محبت کرے، ملک میں نئی طرز کی سیاست کا آغاز کرنا چاہتے ہیں، قوم کی امیدوں پر پورا اترنے کی کوشش کریں گے۔

متعلقہ خبریں