Daily Mashriq

چینی سفیر کی قبائلی عمائدین سے ملاقات، سی پیک منصوبے پر بات چیت

چینی سفیر کی قبائلی عمائدین سے ملاقات، سی پیک منصوبے پر بات چیت

کوئٹہ: چینی سفارتخانے کے ڈپٹی چیف آف مشن لی جن ژاؤ نے قبائلی سرداروں اور عمائدین سے ملاقات کی اور سی پیک سے متعلق مختلف امور کے بارے میں آگاہ کیا۔

اس ملاقات میں ان کا کہنا تھا کہ پاک چین اقتصادی راہداری (سی پیک) منصوبہ خطے میں گیم چینجر ثابت ہوگا اور یہ پاکستان کی ترقی میں ایک انقلاب لائے گا۔

علاوہ ازیں اس موقع قومی اسمبلی کے ڈپٹی اسپیکر قاسم خان سوری اور پاک چین دوستی ایسوسی ایشن کے صدر سینیٹر مشاہد حسین سید بھی اس تقریب میں موجود تھے۔

چینی سفیر کہا کہ سی پیک منصوبہ اپنی تکمیل کے ساتھ ہی پاکستان کی تجارت کو فروغ دے گا اور ملکی معیشت کو مضبوط کرے گا، ساتھ ہی انہوں نے یہ بھی کہا کہ اقتصادی راہداری منصوبہ نہ صرف پاکستان بلکہ پورے خطے کے لیے فائدے مند ثابت ہوگا۔

ان کا کہنا تھا کہ سی پیک کے تحت بلوچستان میں کئی میگا منصوبوں پر کام کا آغاز ہوگیا ہے، جس میں سے گوادر انٹرنیشنل ایئرپورٹ ایک منصوبہ ہے۔

واضح رہے کہ گوادر ایک مرکزی سمیت سی پیک کا نقطہ آغاز ہے، جبکہ پاکستان اور چین نے گوادر شہر کو بہتر انفرااسٹرکچر فراہم کرنے کے لیے مشترکہ اقدامات اٹھائے ہیں۔

اس ملاقات میں قومی اسمبلی کے ڈپٹی اسپیکر قاسم خان سوری نے قبائلی عمائدین سے اپنے خیالات کا اظہار کیا اور کہا کہ بلوچستان کے عوام خاص طور پر وہ جو کوئٹہ میں رہتے ہیں وہ پانی کی کمی کے لیے شروع کیے گئے ٹیوب ویل منصوبوں پر حکومت کے شکرگزار ہیں۔

متعلقہ خبریں