Daily Mashriq


تحریک انصاف کے اندر تبدیلیاں، تنظیمی عہدوں پر تقرریاں روک دی گئیں

تحریک انصاف کے اندر تبدیلیاں، تنظیمی عہدوں پر تقرریاں روک دی گئیں

لاہور: ملک میں تبدیلی لانے کی دعویدار پاکستان تحریک انصاف میں تبدیلی کی’’ سونامی‘‘آ گئی ہے۔

وزیر اعلی پنجاب سردار عثمان بزدار کے’’تحفظات‘‘ کی وجہ سے عمران خان کی ہدایت پر بنائی گئی ایڈوائزری کمیٹی میں سے وزیر اعظم کے معاون خصوصی نعیم الحق اور گورنر پنجاب چوہدری محمد سرور کی با اعتماد سیاسی رفیق رابعہ ضیاء کو’’آؤٹ‘‘ کردیا گیا ہے۔

عمران خان نے پارٹی میں بڑھتی ہوئی تنظیمی مشکلات اور سیکرٹری جنرل ارشد داد کی کارکردگی سے غیرمطمئن ہو کراپنے با اعتماد اور دیرینہ ساتھی سیف اللہ نیازی کو چیف آرگنائزر مقرر کیا تھا جنہوں نے ارشد داد کی جانب سے تنظیمی عہدوں پر تقرریوں کا عمل بھی فی الوقت روک دیا ہے اور آئندہ ماہ پارٹی آئین کی منظوری کے بعد نئے تنظیمی ڈھانچہ کا اعلان کیا جائے گا۔

متعلقہ خبریں