Daily Mashriq

سعید اجمل بولنگ کوچ بننے کے خواہشمند، پی سی بی کو درخواست دے دی

سعید اجمل بولنگ کوچ بننے کے خواہشمند، پی سی بی کو درخواست دے دی

لاہور : پاکستان کے مایہ ناز سابق اسپنر سعید اجمل نے قومی ٹیم کے اسپن بولنگ کنسلٹنٹ کے لئے درخواست دے دی، اس کے علاوہ لیجنڈ سپن باﺅلرز مشتاق احمد اور ثقلین مشتاق بھی اسی عہدے کے امیدوار ہیں۔

تفصیلات کے مطابق سابق اسٹار اسپنر سعید اجمل بھی کوچنگ کے لئے میدان میں آگئے، سعید اجمل نے قومی ٹیم کے اسپن بولنگ کنسلٹنٹ کے لئے درخواست جمع کرادی ہے۔

 سعید اجمل نے35ٹیسٹ،113ون ڈے،64 ٹی20میچوں میں نمائندگی کی، سعید اجمل نے ٹیسٹ میں178،ون ڈے184،ٹی 20میں85وکٹیں حاصل کیں، سعید اجمل نے 578 فرسٹ کلاس وکٹیں بھی حاصل کر رکھی ہیں۔

سعید اجمل کا کہنا ہے کہ پاکستان نے مجھے بہت عزت اور شہرت دی ہے، اپنا تجربہ نوجوان کرکٹرز کو منتقل کرنے کی خواہش ہے، اسپن بولنگ کنسلٹنٹ کے عہدے کے مقررہ معیار پر پورا اترتا ہوں۔

واضح رہے کہ سعید اجمل پرامید ہیں کہ انہیں قومی ٹیم کے سپن باﺅلنگ کوچ کے طور پر منتخب کر لیا جائے گا تاہم یہ امر بھی قابل ذکر ہے کہ مشتاق احمد اور ثقلین مشتاق بھی اسپن بولنگ کنسلٹنٹ کے عہدے کےامیدوار ہیں۔

پی سی بی نے اسپن بولنگ کنسلٹنٹ کے عہدے کے لئے اشتہار دے رکھا ہے، اب دیکھنا یہ ہے کہ یہ اسپن باﺅلنگ کوچ کی اسامی کیلئے قرعہ کس کے نام نکلتا ہے۔

متعلقہ خبریں