Daily Mashriq

کئی بیماریوں سے دور رکھنے کیلئے صرف گاجر ہی مفید کیوں؟

کئی بیماریوں سے دور رکھنے کیلئے صرف گاجر ہی مفید کیوں؟

ہم سب یہ جانتے ہیں کہ گاجر آنکھوں کے لیے مفید ہے کیوں کہ اس میں بیٹا کیروٹین موجود ہوتا ہے۔

یہ بات درست ہے تاہم دنیا بھر میں ہونے والی متعدد تحقیقات میں یہ بات سامنے آئی ہے کہ گاجر میں دیگر فوائد بھی موجود ہیں جن کا ذکر عام طور پر کم ہی سننے کو ملتا ہے۔

کینسر سے بچاؤ اور جلد بڑھاپے کو روکنا

گاجر میں بڑی تعداد میں اینٹی اوکسیڈینٹس ہوتے ہیں جن سے خلیات کی عمر بڑھنے کا عمل سست ہوجاتا ہے۔ اینٹی اوکسیڈینٹس کے بارے میں کہا جاتا ہے کہ یہ کینسر سے بچانے میں بھی مدد فراہم کرتے ہیں اور الزائمر جیسی بیماریوں سے بھی بچاتے ہیں، 2011 میں یونیورسٹی آف شیفیلڈ میں ہونے والے ایک مطالعے کے مطابق گاجر میں پولی اسیٹیلین نامی کمپاؤنڈ شامل ہوتا ہے جو لوکیمیا، کو ہونے اور اس کو بڑھنے سے روکتا ہے۔

دل اور ہاضمے کیلئے مفید

گاجر میں کیروٹینوئڈ شامل ہوتا ہے جس کے بارے میں مانا جاتا ہے کہ یہ دل کے امراض کو کم کرنے میں مدد کرتا ہے، اس کے علاوہ گاجر فائبر کے حصول کا بہترین ذریعہ ہے جو کولیسٹرول کو کم کرنے میں مدد کرتا ہے جبکہ ہاضمے کے لیے بھی ضروری ہے، گاجر ڈائریا، قبض اور پیچش جیسی بیماریوں سے بھی بچانے کا باعث ہے۔

خون کی کمی دور کرنا

گاجر میں بڑی مقدار میں آئرن ہوتا ہے جس کے باعث اسے خون کی کمی کا شکار افراد کو تجویز کیا جاتا ہے، گاجر جوڑوں کے درد، گٹھیا اور گاؤٹ جیسی بیماریوں کا علاج یا ان کی شدت کم کرنے میں بھی مدد کرتی ہے۔

جلد کیلئے بہترین

گاجر میں ویٹامن اے ہوتا ہے جو چمک دار جلد کی ضمانت ہے، اس کے علاوہ گاجر سے بنے فیشل ماسک کے بارے میں کہا جاتا ہے کہ یہ فوری طور پر چہرے کی رنگت بہتر کرنے میں مدد کرتا ہے۔

متعلقہ خبریں