Daily Mashriq

تمباکو نوشی خواتین میں ہارٹ اٹیک کا خطرہ بڑھائے

تمباکو نوشی خواتین میں ہارٹ اٹیک کا خطرہ بڑھائے

ویسے تو تمباکو نوشی ایسی عادت ہے جو ہر عمر کے مردوں اور خواتین میں ہارٹ اٹیک کا خطرہ بڑھا دیتی ہے مگر خواتین میں اس کا امکان بہت زیادہ ہوتا ہے۔

یہ بات برطانیہ میں ہونے والی ایک طبی تحقیق میں سامنے آئی۔

ناردرن جنرل ہاسپٹل کی تحقیق میں دریافت کیا گیا کہ 18 سے 49 سال کی خواتین میں اس لت سے دور رہنے والی خواتین کے مقابلے میں جان لیوا ہارٹ اٹیک کا خطرہ 13 گنا زیادہ ہوتا ہے۔

طبی جریدے جرنل آف دی امریکن کالج آف کارڈیالوجی میں شائع تحقیق میں بتایا گیا کہ نتائج سے خواتین میں تمباکو نوشی اور ہارٹ اٹیک کے درمیان تعلق پر روشنی ڈالی گئی ہے اور اس لت سے دور رہ کر درمیانی عمر میں اس جان لیوا مرض سے بچنا ممکن ہوسکتا ہے۔

محققین کا کہنا تھا کہ تمباکو نوشی کو چھوڑنے سے خواتین میں ہارٹ اٹیک کا خطرہ اس لت سے دور رہنے والی خواتین جتنا ہی کم ہوجاتا ہے۔

انہوں نے کہا کہ اس خطرے میں اتنی کمی حیران کن ہے مگر یہ اچھی خبر بھی ہے کہ اس لت سے دوری اختیار کرنا دل کی صحت کے لیے کس حد تک فائدہ مند ہے۔

اس حوالے سے ڈیٹا کا جائزہ لینے پر محققین نے دریافت کیا کہ مردوں کے مقابلے میں خواتین میں اس عادت کے نتیجے میں جان لیوا ہارٹ اٹیک کا خطرہ 6 گنا زیادہ ہوتا ہے۔

50 سال سے کم عمر خواتین میں یہ امکان اس لت سے دور رہنے والی خواتین کے مقابلے میں 13 گنا زیادہ ہوتا ہے، جبکہ اس عمر کے تمباکو نوشی کے عادی مردوں میں یہ خطرہ 8 گنا زیادہ ہوتا ہے۔

متعلقہ خبریں