Daily Mashriq


جمہوریت کی خاطر قومی اسمبلی میں گئے،حکومت ختم کرنے کیلئے آگے نہیں آئیں گے،خورشید شاہ

جمہوریت کی خاطر قومی اسمبلی میں گئے،حکومت ختم کرنے کیلئے آگے نہیں آئیں گے،خورشید شاہ

ویب ڈیسک:عمران خان نے صرف چار سیٹوں کیلئے احتجاج کیا تھا،موجودہ الیکشن پورے کا پورا ہی مشکوک ہے،رہنما پیپلز پارٹی خورشید شاہ۔

سکھر میں کارکنان سے خطاب کرتے ہوئے پیپلز پارٹی کے سینئررہنما خورشید شاہ کا کہنا تھا کہ عام انتخابات کے بعد ہم نے کہا تھا کے موجودہ  وزیراعظم سلیکٹیڈ ہیں، لیکن ہم جمہوریت کے لیے قومی اسمبلی میں گئے۔

خورشید شاہ کا کہنا تھا کہ سیلیکٹڈ حکومت کی 100 روزہ کارکردگی صفر رہی، سو دنوں میں صرف لڑائی جھگڑا ہی رہا، کوئی قابل ذکر بات نظر نہیں آئی، یہ پارلیمنٹ ابھی تک اسٹینڈنگ کمیٹی نہیں بنا سکی، 50 لاکھ گھر کس کے لئے ہوں گے کچھ پتا نہیں،  جو کہتا ہے کارکردگی بہترین رہی ہے سامنے آکر بتائے۔

 خورشید نے کہا کہ پیپلز پارٹی اقتدار کے لیے سیاست نہیں کرتی، ہم نے ہمیشہ جمہوریت کی بات کی اور جمہوریت کے لئے ہر حکومت کے ساتھ تعاون کیا، آئین اور قانون پارلیمنٹ بناتی ہے، ہم چاہتے ہیں یہ پارلیمنٹ چلے کیوں کہ پارلیمنٹ ہی پاکستان کو چلا سکتی ہے اس لئے ہم عمران خان کی حکومت کو ختم کرنے کے لیے کبھی آگے نہیں آئیں گے۔

انہوں کا مزیدکہنا تھا کہ عمران خان نے تو صرف 4 سیٹوں پر احتجاج کیا تھا لیکن موجودہ الیکشن تو پورے کے پورے مشکوک ہیں۔

متعلقہ خبریں