Daily Mashriq


سکھ بچوں کے سکول کا مسئلہ

سکھ بچوں کے سکول کا مسئلہ

خیبر پختونخوا کے پایہ تخت پشاور میں واقع سکھوں کے واحد سکول کی عمارت خالی کرنے کے حوالے سے صرف روزنامہ مشرق ہی میں نمایاں طور پر خبروں کی اشاعت کے ذریعے صوبائی حکومت کی توجہ مبذول نہیں کرائی گئی بلکہ بی بی سی میں بھی ایک سے زائد مرتبہ اس حوالے سے رپورٹیں آئیں ۔ اقلیتی برادری نے اس سکول کو بچانے کے لئے حکمران جماعت کے اعلیٰ شخصیات کو بھی دہائی دی مگر شنوائی نہ ہوئی۔ دیکھا جائے تو یہ اتنا بڑا مسئلہ نہیں کہ شہر کے مرکزی علاقے میں واقعہ ایک چھوٹی سی عمارت کو حکومت خرید کر سکھ برادری کو عطیہ کرتی چونکہ اس ضمن میں حکومت کی دلچسپی دکھائی نہیں دیتی بنا بریں سول سوسائٹی کے نمائندوں ار این جی اوز سے اپیل کی جاتی ہے کہ اس ضمن میں آگے آئیں اور شہریوں سے عطیات لینے کی مہم چلا کر سکول کی عمارت قیمتاً خرید لی جائے اور ٹرسٹ کے حوالے کی جائے۔ وفاقی حکومت کے اقلیتوں کے امور کی وزارت کے لئے بھی یہ مشکل نہیں کہ وہ یہ عمارت خرید کر بچوں کی تعلیم و تربیت کے لئے وقف کرے۔ سکھ برادری کو خود بھی اس عمارت کی خریداری کے لئے عطیات کی وصولی کے لئے آگے آنا چاہئے۔

متعلقہ خبریں