Daily Mashriq

پاکستان کی فضائی حدود آج بھی مکمل طور پر بند

پاکستان کی فضائی حدود آج بھی مکمل طور پر بند

اسلام آباد: سول ایوی ایشن حکام کا کہنا ہے کہ پاکستان کی فضائی حدود آج بھی مکمل طورپر بند رہے گی۔

سماجی رابطے کی ویب سائٹ ٹوئٹر پر سول ایوی ایشن حکام کا کہنا ہے کہ پاکستان کی فضائی حدود آج بھی مکمل طورپربند رہے گی، پاکستانی فضائی حدود بند ہونے کی وجہ سے ملکی و غیرملکی تمام ایئرلائنز کا آپریشن معطل رہے گا۔

سول ایوی ایشن حکام کا کہنا ہے کہ تکلیف کے لئے معذرت خواہ ہیں، مسافر متعلقہ ائیرلائنز سے رابطے میں رہیں اورصورتِ حال کو دیکھتے ہوئے مزید معلومات شیئرکی جائیں گی۔

واضح رہے کہ پاک بھارت کشیدگی اورگزشتہ روزپاکستان کی جانب سے بھارت کو کرارے جواب کے بعد ملک بھرمیں فلائٹ آپریشن معطل کردیا گیا تھا۔

متعلقہ خبریں