Daily Mashriq

'لوڈ ویڈنگ' کے فلمساز کا 2020 میں دو نئی فلمز ریلیز کرنے کا اعلان

'لوڈ ویڈنگ' کے فلمساز کا 2020 میں دو نئی فلمز ریلیز کرنے کا اعلان

2018 کی شاندار فلم 'لوڈ ویڈنگ' کے بعد پاکستان کے کامیاب ڈائیریکٹر اور پروڈیوسر کی جوڑی نبیل قریشی اور فضا علی میرزا نے ایک اور اہم اعلان کردیا۔

ان دونوں نے اعلان کیا کہ یہ اگلے سال ایک نہیں بلکہ دو فلموں کو بردے کی اسکرین پر لائیں گے۔

نبیل قریشی اور فضا علی میرزا 'قائد اعظم زندہ باد' اور 'فیٹ مین' نامی فلموں کی پروڈکشن پر کام بھی شروع کرچکے ہیں۔

 ہدایت کار نبیل قریشی نے انکشاف کیا کہ انہوں نے اب تک کسی کو فلم کے لیے کاسٹ بھی نہیں کیا کیوں کہ فلم پر کام ابھی شروع ہوا ہے۔

نہوں نے بتایا کہ ان دونوں فلموں کی ڈائیریکشن وہی دیں گے جبکہ ہر مرتبہ کی طرح فضا علی میرزا ان فلموں کو پروڈیوس کررہی ہیں۔

فلموں کے حوالے سے نبیل قریشی کا کہنا تھا کہ 'قائداعظم زندہ باد ایک ایکشن کامیڈی فلم ہے، اس کی کہانی ایک پولیس اہلکار پر مبنی ہوگی'۔

دوسری فلم 'فیٹ مین' کے حوالے انہوں نے کہا کہ 'اس فلم کی کہانی ایک اصل ہیرو پر مبنی ہے، دونوں ہی فلموں کی کہانی کافی منفرد ہے اور مجھے امید ہے کہ ناظرین کو یہ فلمیں ضرور پسند آئیں گی'۔

دونوں فلموں کو اگلے سال ہی ریلیز کیا جائے گا۔

یاد رہے کہ فضا علی میرزا اور نبیل قریشی کی پہلی فلم 'نامعلوم افراد' تھی جو 2014 میں سامنے آئی۔

اس فلم میں جاوید شیخ، فہد مصطفیٰ اور محسن عباس حیدر نے اداکاری کے جوہر دیکھائے تھے۔

اس کے بعد سے اب تک یہ دونوں فلمساز 'نامعلوم افراد 2'، 'ایکٹر ان لا' اور 'لوڈ ویڈنگ' جیسی فلمیں بنا چکے ہیں۔

متعلقہ خبریں