Daily Mashriq

ہاکی فیڈریشن کے سیکریٹری شہباز سینئر عہدے سے مستعفی

ہاکی فیڈریشن کے سیکریٹری شہباز سینئر عہدے سے مستعفی

ویب ڈیسک:پاکستان ہاکی فیڈریشن(پی ایچ ایف) کے سیکریٹری شہباز احمد سینئر اپنے عہدے سے مستعفی ہوگئے اور اپنا استعفیٰ ہاکی فیڈریشن کے صدر کو بھجوا دیا۔

سیکریٹری پاکستان ہاکی فیڈریشن نے شہباز احمد سینئر نے اپنا استعفی صدر پی ایچ ایف کو بھجوادیا، اس موقع پر ان کا کہنا تھا کہ فنڈز نہ ہونے کے باعث غیر یقینی کی صورتحال رہتی ہے، حکومت اور وزارت بین الصوبائی رابطہ کے پاس اگر قومی کھیل کے لیے وقت نہیں تو میرے پاس بھی نہیں ہے۔

شہباز سینئر کا کہنا تھا کہ ہاکی کے لیے ہمارے پاس کوئی اثاثہ یا فنڈز کا سسٹم موجود نہیں اور نہ ہی ہاکی کا بنیادی ڈھانچہ موجود ہے، جس دن سے فیڈریشن میں آیا بار بار کہا کہ اس سسٹم سے ہاکی نہیں چل سکتی اور اس حوالے سے بار بار حکومت اور متعلقہ وزارت کو صورتحال سے آگاہ کرتے رہے لیکن قومی کھیل کے ساتھ روا رکھے جانے والے سلوک سے بے حد افسوس ہوا۔

 سیکریٹری پاکستان ہاکی فیڈریشن نے کہا کہ ہاکی کی موجودہ صورتحال برداشت سے باہر ہو چکی ہے، نامساعد حالات کے باوجود پوری کوشش کرتا رہا سہولیات نہیں دی جاتیں اور رزلٹس کا پوچھا جاتا ہے لیکن انقلابی اقدامات اور حکومتی مدد کے بغیر ہاکی ٹھیک نہیں ہو سکتی، وزارت بین الصوبائی رابطہ نے ایک فیصد بھی تعاون نہیں کیا، بھارت کا سالانہ ہاکی بجٹ ایک ارب سے زائد ہے اور پاکستان ہاکی کی سالانہ گرانٹ 35 لاکھ ہے۔

متعلقہ خبریں