Daily Mashriq


کوہاٹ:رشتے سے انکار پرقتل کی گئی میڈیکل کی طالبہ عاصمہ کا قاتل گرفتار نہ ہوسکا۔

کوہاٹ:رشتے سے انکار پرقتل کی گئی میڈیکل کی طالبہ عاصمہ کا قاتل گرفتار نہ ہوسکا۔

ویب ڈیسک:کوہاٹ:رشتے سے انکار پرقتل کی گئی میڈیکل کی طالبہ عاصمہ کا مبینہ قاتل گرفتار نہ ہوسکا۔

ایبٹ آباد میں بی ڈی ایس تھرڈ ایئر کی طالبہ عاصمہ بی بی چھٹیوں پر کوہاٹ آئی ہوئی تھی، گزشتہ روز اسے گھر کے باہر پہلے سے گھات لگائے ملزم نے فائرنگ کرکے شدید زخمی کردیا، عاصمہ کو اسپتال لے جایا گیا لیکن وہ جانبر نہ ہوسکی۔ مقتولہ کی میت اس کے آبائی علاقے لکی مروت منتقل کردی گئی، جہاں اسے سپرد خاک کردیا گیا ہے۔

مقتولہ عاصمہ بی بی  نے دم توڑنے سے قبل واضح الفاظ میں مجاہد آفریدی نامی شخص کا نام لیا تاہم پولیس اب تک ملزم کو گرفتار نہیں کرسکی۔ پولیس کے مطابق ملزم مجاہد آفریدی پی ٹی آئی کے ضلعی صدر آفتاب عالم ایڈووکیٹ کا بھتیجا ہے اور عاصمہ کو رشتے سے انکار پر فائرنگ کرکے قتل کیا گیا ہے۔

عاصمہ کے بھائی کا کہنا ہے کہ مجاہد آفریدی پہلے سے شادی شدہ اور اس کی ایک بیٹی بھی ہے۔ ملزم دبئی میں کاروبار کرتا ہے اور حال ہی میں وہ واپس آیا تھا۔ اس نے عاصمہ سے شادی کے لیے رشتہ بھی بھجوایا تھا تاہم شادی شدہ ہونے کی وجہ سے اسے رشتہ دینے انکار کردیا گیا تھا۔

متعلقہ خبریں