Daily Mashriq

قومی ٹیم کے فاسٹ باؤلر شاہین شاہ آفریدی سیزن کیمپ سے باہر

قومی ٹیم کے فاسٹ باؤلر شاہین شاہ آفریدی سیزن کیمپ سے باہر

قومی کرکٹ ٹیم کے نوجوان فاسٹ باؤلر شاہین شاہ آفریدی سیزن کیمپ سے باہر ہوگئے جبکہ اوپننگ بلے باز فخر زمان بھی فی الحال اس کیمپ میں شرکت نہیں کرسکے۔

خیال رہے کہ قومی کرکٹ ٹیم کا پری سیزن کیمپ لاہور کے قذافی اسٹیڈیم میں جاری ہے۔

پاکستان کرکٹ بورڈ (پی سی بی) کی جانب سے جاری ایک اعلامیے میں بتایا گیا کہ فاسٹ باؤلر شاہین شاہ آفریدی پری سیزن کیمپ سے باہر ہوگئے۔

فاسٹ باؤلر ڈینگی بخار کا شکار ہیں، جس کے باعث وہ اس کیمپ میں شرکت نہیں کرسکتے۔

پی سی بی کے مطابق ڈینگی بخار کی تشخیص کے بعد فاسٹ باؤلر شاہین شاہ آفریدی مقامی ہسپتال زیر علاج ہیں۔

ادھر قومی ٹیم کے اوپننگ بلے باز فخرزمان بھی گھٹنے کی انجری کا شکار ہوگئے، جس کے باعث وہ فی الحال کیمپ میں پریکٹس کا آغاز نہیں کرسکے۔

کرکٹ بورڈ کے مطابق گزشتہ روز فخرزمان کے دائیں گھٹنے کا ایم آر آئی اسکین کروایا گیا تھا، جس کی رپورٹ آنے کے بعد پی سی بی میڈیکل ایڈوائزری پینل فخرزمان کی انجری کا جائزہ لے گا۔

جس کے بعد اس پینل کی سفارشات کی روشنی میں ہی فخرزمان کی کیمپ میں شرکت کا فیصلہ کیا جائے گا۔

متعلقہ خبریں