Daily Mashriq

حلقہ بندیوں سے متعلق عدالتی فیصلوں کے باعث عام انتخابات میں تاخیر نہیں ہوگی، الیکشن کمیشن

حلقہ بندیوں سے متعلق عدالتی فیصلوں کے باعث عام انتخابات میں تاخیر نہیں ہوگی، الیکشن کمیشن

ویب ڈیسک:الیکشن کمیشن نے کہا ہے کہ حلقہ بندیوں سے متعلق عدالتی فیصلے کی وجہ سے انتخابات تاخیر کا شکار نہیں ہوں گے اور عام انتخابات کااعقاد مقررہ وقت پر ہی ہوگا۔

الیکشن کمیشن آف پاکستان نے نئی حلقہ بندیوں پر عدالتی فیصلوں کے آئینی و قانونی پہلووٴں کا جائزہ لے لیا ہے اور اس نتیجے پر پہنچا ہے کہ عدالت حلقہ بندیوں سے متعلق الیکشن کمیشن کے فیصلوں کو کالعدم قرار نہیں دے سکتی۔

ذرائع الیکشن کمیشن کا کہنا ہے کہ اسمبلیوں کی مدت پوری ہونے کے 60 روز کے اندر الیکشن کرانا آئینی ضرورت ہے، حلقہ بندیوں سے متعلق عدالتی فیصلوں کی وجہ سےعام انتخابات تاخیر کا شکارنہیں ہوں گے،عام انتخابات 25 جولائی کو ہی ہوں گے،الیکشن کمیشن چند روز تک عام انتخابات کا شیڈول جاری کرے گا۔

 واضح رہے کہ گزشتہ روز اسلام آباد ہائی کورٹ نے کچھ اضلاع  کی حلقہ بندیاں کالعدم قرار دیتے ہوئے الیکشن کمیشن کو تمام اسٹیک ہولڈرز کو سن کر دوبارہ حلقہ بندیاں کرنے کا حکم دیا تھا۔

متعلقہ خبریں