Daily Mashriq

مسلمانوں کی نسل کشی پر دنیا میں خطرے کی گھنٹیاں بجنی چاہئیں، وزیراعظم

مسلمانوں کی نسل کشی پر دنیا میں خطرے کی گھنٹیاں بجنی چاہئیں، وزیراعظم

اسلام آباد: وزیراعظم عمران خان کا کہنا ہے کہ مودی حکومت کی جانب سے مسلمانوں کی نسل کشی کی رپورٹس پر دنیا میں خطرے کی گھنٹیاں بجنی چاہئیں۔ 

سماجی رابطے کی ویب سائٹ پر ٹوئٹ کرتے ہوئے وزیراعظم عمران خان کا کہنا تھا کہ مودی حکومت کی جانب سے مسلمانوں کی نسل کشی رپورٹس سامنے آرہی ہیں، بھارتی اور عالمی میڈیا مسلمانوں کی نسل کشی کی خبریں جاری کررہا ہے، اس پر دنیا میں خطرے کی گھنٹیاں بجنی چاہئیں۔

وزیراعظم عمران خان کا کہنا تھا کہ کشمیر کاغیرقانونی الحاق مسلمانوں کو نشانہ بنانے کی پالیسی کا حصہ ہے۔

واضح رہے مودی حکومت نے مسلمانوں کے بعد دیگراقلیتوں کا بھی بھارت میں رہنا مشکل کردیا۔ بھارتی میڈیا رپورٹس کے مطابق بھارت کی شمال مشرقی ریاست آسام میں 19 لاکھ سے زائد افراد کے بھارتی شہری ہونے کے دعوؤں کو مسترد کر دیا گیا ہے اور حتمی فہرست میں 40 لاکھ سے زائد باشندوں میں سے 19 لاکھ افراد سے بھارتی شہریت چھین لی گئی ہے۔

متعلقہ خبریں