پولیس حکام نے سنگین جرائم میں مطلوب اشتہاری ملزموں کے بینک اکاونٹس منجمد کرنے اور قومی شناختی کارڈ بلاک کرنے کیلئے متعلقہ اداروں سے رابطے تیز کرلئے، اس اقدام کا مقصد ملزموں کی شہر سے باہر نقل و حرکت کو محدود کرنا ہے تاکہ وہ آسانی سے ٹریس ہو سکیں،
ایس ایس پی آپریشنز ہارون رشید کے مطابق خصوصی مہم میں رواں سال کے ابتدائی چھ ہفتوں کے دوران سہولت کاروں کے خلاف 50 مقدمات درج کئے گئے ہیں جبکہ 53 ایسے ملزموں کو گرفتار کیا گیا جو اشتہاریوں کو پناہ دینے اور دیگر سہولیات و مدد فراہم کرنے میں ملوث پائے گئے ہیں،
ان کا کہنا تھا کہ اشتہاریوں کے خلاف جاری کریک ڈاون کے دوران سنگین مقدمات میں مطلوب تمام اشتہاری ملزموں کے قومی شناختی کارڈ بلاکنگ اور بنک اکاوئنٹس منجمد کرنے کے عمل کو جلد مکمل کیا جائے گا۔
