پاکستان مسلم لیگ ن کے رہنما و پنجاب اسمبلی میں قائد حزب اختلاف حمزہ شہباز نے کہا ہے کہ ترین گروپ سمیت سارے گروپ اپوزیشن کا ساتھ دیں گے۔
تفصیلات کے مطابق مسلم لیگ ن کے رہنما نے نجی ٹی کے پروگرام میں گفتگو کرتے ہوئے کہا کہ وہ اسلام آباد میں 126 دن کا دھرنا نہیں دیں گے، بلکہ ان کا مقصد صرف یہ بتانا ہے کہ پاکستان ڈیموکریٹک موومنٹ (پی ڈی ایم) کی جڑیں عوام میں ہیں۔
یہ بھی پڑھیں: امپائر کی انگلی کے بجائے ووٹ کے انگوٹھے سے مقابلہ کریں گے: بلاول بھٹو
پنجاب اسمبلی کے قائد حزب اختلاف نے کہا کہ وہ بتائیں گے کہ عوام کی نبض کیا کہتی ہے۔ انہوں نے کہا کہ کل اگر پنجاب میں تحریک عدم اعتماد آتی ہے تو ترین گروپ سمیت سارے گروپ اپوزیشن کا ساتھ دیں گے ۔
حمزہ شہباز کا مزید کہنا تھا کہ حکومت کے منحرف ارکان میں سے کوئی رکن ووٹ دینے کے بعد اپنی نشست سے محروم ہوا تو مسلم لیگ ن کے ٹکٹ پر الیکشن لڑے گا۔
