مرغی کا گوشت ایک دن کے وقفے سے پانچ روپے فی کلو مزید مہنگا ہو گیا ہے اور مرغی 266روپے سے 271روپے پر پہنچ گئی ہے ، تاہم ضلعی انتظامیہ لمبی تان کر سو گئی ہے انڈے 200روپے فی درجن تک پہنچ گئے ہیں ، مرغی کے گوشت میں دو دنوں کے دوران چالیس روپے فی کلو کا اضافہ ہوا ہے ۔
جبکہ دوسری طرف مردہ اور ذبح ہونے والی مرغیوں کی فروخت بھی بدستور جاری ہیں ۔ سرکاری نرخ نامہ کے مطابق سٹرابری 260روپے فی کلو ، امرود 140روپے فی کلو ، مالٹا 300 روپے فی درجن ، سیب 220 روپے فی کلو ، ٹماٹر 100 روپے فی کلو ، لہسن 370روپے فی کلو ، ادرک 280 روپے فی کلو ، مٹر 140روپے فی کلو ، ٹینڈے 60روپے فی کلو ، شلغم 30روپے فی کلو تک پہنچ گئے ہیں پشاور میں سبزیاں ، فروٹ ، مرغی کی قیمتوں میں مسلسل اضافہ ہو رہا ہے ۔ اور سرکاری نرخ نامہ پر عمل درآمد بھی نہیں ہو رہا ہے ۔
