پشاور( نیوز رپورٹر) جماعت اسلامی خیبرپختونخوا کی امارت سے مستعفی ہونے کے بعد سینیٹر مشتاق احمد خان کی جگہ پروفیسر محمد ابراہیم خان کو ایک مرتبہ پھر صوبائی امیر مقرر کر دیا گیا ہے۔
آج 9 جون کو المرکز الاسلامی پشاور میں وہ اپنے عہدے کا حلف لیں گے۔ جماعت اسلامی کے جنرل سیکرٹری کے مطابق امیر جماعت اسلامی پاکستان سراج الحق نے ارکان جماعت اسلامی کی رائے کی روشنی میں پروفیسر محمد ابراہیم خان کو اکتوبر 2024 تک کیلئے امیر مقرر کیا ہے۔
