ویب دیسک: تعلیمی بورڈز کے تحت میٹرک اورانٹرمیڈیٹ کے نتائج کے حوالے سے تحفظات پر مردان تعلیمی بورڈ میں چھان بین کا آغاز کردیا گیا ہے۔
اس سلسلے میںٹیم کے ممبران نے گزشتہ روز بھی بورڈ کے انتظامی اہلکاروں کے بیانات قلم بند اور ریکارڈ کی باقاعدہ چھان بین شروع کردی ہے ۔
یہ بھی پڑھیں:اضلاع میں ویکسی نیشن کے اعدادوشمارغیرمصدقہ قرار
ذرائع نے بتایا کہ پشاور اور مردان بورڈز میں میٹرک اور انٹر میڈیٹ کے نتائج پر تحفظات کی چھان بین کیلئے قائم کمیٹی نے مردان بورڈ میں ریکارڈ تک رسائی حاصل کر لی ہے اس مقصد کیلئے مردان بورڈ میں پوزیشن ہولڈر طلبہ کے پرچہ جات اور سابقہ تعلیمی ریکارڈ کی جانچ پڑتال شروع کردی گئی ہے تاہم تاحال دیگر بورڈز میں کارروائی شروع نہیں کی گئی ہے ۔
ذرائع نے بتایا کہ انکوائری رپورٹ کی تیاری میں مزید کئی ہفتے درکار ہوں گے اس سلسلے میں انتظامیہ سے رپورٹ طلب کرلی گئی ہے۔