ویب ڈیسک:ضلع کرک میں واقع نیشپا آئل فیلڈز میں گیارھویں کنویں سے تیل اور گیس کی پیداوار شروع ہوگئی۔ ترجمان او جی ڈی سی ایل کے مطابق نیشپا کنویں 11سے 830بیرل یومیہ خام تیل اور 1.0ملین اسٹینڈرڈ کیوبک فٹ یومیہ گیس کی پیداوار شروع ہوچکی ہے۔ او جی ڈی سی ایل کنویں کی 56.45 فیصد شئیر کے ساتھ بطور آپریٹر کام کر رہی ہے
اس کنویں کی 4485 میٹرز کی گہرائی تک کھدائی کی گئی ہے۔ نیشپا گیارھویں کنواں سے حاصل ہونے والی1.0 ایم ایم ایس سی ایف ڈی گیس کو ایس این جی پی ایل کے نیٹ ورک میں شامل کر دیا گیا ہے۔ نیشپا سٹرکچر میں 2009 میں تیل و گیس کی کھدائی کا آغاز کیا گیا تھا، او جی ڈی سی ایل اس وقت کل 10 کنوں سے یومیہ 11300 بیرل خام تیل، 91 ایم ایم ایس سی ایف ڈی گیس اور 395 میٹرک ٹن ایل پی جی کی پیداوار حاصل کررہی ہے۔ ترجمان او جی ڈی سی ایل کا کہنا ہے کہ پیداوار کو مزید بہتر بنانے کیلیے تیز رفتار بنیادوں پر کام جاری ہے۔
